လူ ၁၈၈ ဦးလိုက်ပါတဲ့ အင်ဒိုနီးရှားလေယာဉ် ပျက်ကျမှု ရုပ်သံ

Lion Air လေကြောင်းလိုင်းက ခရီးသည်တင်လေယာဉ်တစ်စီးဟာ အောက်တိုဘာ ၂၉ ရက် နံနက်ပိုင်းမှာ ပျံတက်ပြီး မကြာခင် မြေပြင်နဲ့ အဆက်အသွယ်ပြတ်ပြီး ပင်လယ်တွင်း ပျက်ကျသွားတာကြောင်း အင်ဒိုနီးရှား ရှာဖွေရေးနဲ့ ကယ်ဆယ်ရေးတာဝန်ရှိသူတွေက ပြောပါတယ်။

ဒီပျက်ကျတဲ့ လေယာဉ်မှာ လူပေါင်း ၁၈၈ ဦးကို တင်ဆောင်ပြီး ပျံသန်းခဲ့တာလို့ သိရပါတယ်။
ဒီလေယာဉ်ဟာ အင်ဒိုနီးရှားမြို့တော် ဂျကာတာကနေ ပန်ကယ်ပီနန်ကျွန်းက မြို့ဆီ ပျံသန်းတဲ့ ခရီးစဉ်မှာ ခုလို ကြုံတွေ့လိုက်တာ ဖြစ်ပါတယ်။
“လေယာဉ်ပျက်ကျတာကို အတည်ပြုချက် ပေးနိုင်ပါတယ်။”လို့ လေကြောင်းလိုင်းအေဂျင်စီ ပြောခွင့်ရသူ ယူဆက်ဖ်လာတစ်က ဆိုပါတယ်။

ဂျကာတာကနေ Lion Air JT-610 လေယာဉ်ဟာ အောက်တိုဘာ ၂၉ ရက် ဒေသစံတော်ချိန် ၆ နာရီ မိနစ် ၂၀ မှာ ပျံတက်သွားတာဖြစ်ပြီး ၇ နာရီ ၂၀ မှာ ပန်ကယ်ပီနန်ကျွန်းကို ရောက်ဖို့ ခရီးစဉ်ဆွဲထားတာ ဖြစ်ပါတယ်။

ါပေမယ့် ပျံတက်ပြီး ၁၃ မိနစ်မှာ မြေပြင်နဲ့ အဆက်အသွယ် ပြတ်သွားတယ်လို့ The Straits Times သတင်းက ဖော်ပြပါတယ်။

တန်ဂျန်ပရော့ပင်လယ်ဆိပ်ကမ်းရှိ ရေကြောင်းသွားလာရေး ၀န်ဆောင်မှုဌာန Vessel Traffic Service ဆီ တွန်းသင်္ဘောတစ်စီးကနေပြီး လေယာဉ်တစ်စီး ပင်လယ်ထဲ ပျက်ကျတာကို မြင်တွေ့ရတဲ့လို့ သတင်းပေးပို့ကြောင်း ဂျကာတာအအခြေစိုက် Elshinta သတင်းဌာနက ဖော်ပြပါတယ်။

“ဒါဟာ အမှန်ပါပဲ။ လေယာဉ်နဲ့ အဆက်အသွယ် ပြတ်သွားပါတယ်။ ရှာဖွေရေးနဲ့ ကယ်ဆယ်ရေးအဖွဲ့တွေဆီ သတင်းပေးပို့ထားပါတယ်။”လို့ တာဝန်ရှိသူတစ်ဦးကလည်း ဆိုပါတယ်။
Lion Air က ပြောခွင့်ရသူ ဒါနန်မန်ဒါလာကတော့ “ကျွန်တော်တို့ရဲ့ လေယာဉ်တစ်စီး အဆက်အအသွယ် ပြတ်သွားတာကို အတည်ပြုပါတယ်။ ဘယ်နေရာရောက်တယ်ဆိုတာ ခြေရာမခံနိုင်သေးပါဘူး။”လို့ The Sun သတင်းကို ပြောခဲ့ပါတယ်။

“လတ်တလောမှာ ဘာမှ ထင်မြင်ချက် မပေးနိုင်သေးဘူး။ သတင်းနဲု့အချက်အလက်တွေ စုဆောင်းနေတုန်းပဲ ရှိတယ်။”လို့ Lion Air Group ရဲ့ အမှုဆောင်အရာရှိချုပ် အက်ဝက်က ပြောခဲ့ပါတယ်။

Source from IBT
Writer_မောင်သံဆင့် ( Daily Hot News )